[37]

Om een swerte cupe te setten

Soe moetmen neemen een groote cuype oft tonne ende doen die vol schoon waters, ende dan ontrent halff vol (fol. 379v) elssen schorssen ende dat soe laten staen rotten vyff oft ses weken lanck tot datse doer weeckt es, ende dan daerin gedaen slip oft vylsel oft old yser, oft van elcx wat, tot dat v dunckt genoch te wesen. Ende noch soe laetet rusten drie oft vier weecken tot datse wel wit verschummelt es. Dan machmen daer in weecken.

Maer v lynwaet moety ierst int root soppe voersseit steeck- en een halff vre lanck, ende dan wt vringen ende al nat in die swarte cupe steken een ure lanck. Dan wt vringen ende te droogen hangen, dan weder int root sop, ende swart, tot dat v schoon genoch es.

Anon., “Tractaet om te verwen lynwaet ende garen”, BHSL.HS.1317, fol. 379v. Transcription taken from Braekman, Middelnederlandse verfrecepten voor miniaturen en “alderhande substancien”, 98; English translation by Art Proaño Gaibor